D Psalme 103 bis 150
- von Rico Loosli 6934 Bioggio
-
Zugriffe: 324
D Psalme 103 bis 150
Vo David.
103:1 Ig wott Jehova priise,
aues i mir sött si heilige Name priise ie.
2 Ig wott Jehova priise.
Nie wetti vergesse was er alles gmacht het.
3 Er vergibt alli dini Vergehe
u heilet aui dini Chrankheite.
4 Dis Läbe forderet er vom Grab zrugg
un na krönt di mit sinere loyale Liebi un Barmherzigkeit.
5 Är sättiget di mit Guetem dis Läbe lang,
sodass sech dini Jugend erneueret wi bimne Adler.
6 Jehova handlet mit Gerechtigkeit und Rächt
für alli Unterdrückte.
7 Är het dr Moses sy Wäg mitteilt,
sini Tate dr Söhn Israels.
8 Jehova isch barmherzig und mitfühlend,
wird nid schnäu zornig und isch rich a loyale Liebi.
9 Är wird üs üsi Fähler nid ändlos vorhalte
no für immer nachträgend si.
10 Er het üs nid so behandlet wie mirs wäg üsne Sünde verdiene,
no het er üssi Vergehe hei zahlt.
11 Denn so höch, wi sech der Himmu über d Ärde erhebt,
so gross isch sini loyali Lebi zue däne, de Ehrfurcht vor nem hän.
12 So wiit wäg, wi der Sunneufgang vom Sunneuntergang isch,
so wiit het er üsi Überträtige vo üs entfernt.
13 So wiene Vater mit syne Söhn barmherzig isch,
so isch d Jehova mit dene barmherzig wo Ehrfurcht vor ihm händ.
14 Denn är kennt üsi Beschaffeheit nume z guet,
er denkt dra, dass mer Staub sind.
15 D Täg vom stärbliche Mönsch si wie Gras.
Är blüetet uf wiene Blueme vom Fäud.
16 Weht der Wind, isch si dahii,
aus häts se nie gäh.
17 Doch die loyal Liebi Jehovas bestoht bis i alli Ewigkeit
gegenüber dene wo Ehrfurcht vor ihm hei,
un sini Grechtigkeit gegenüber d Kinda vu ihrene Kinda,
18 gegenüber dene wo sin Bund hebed,
dene, wo gwüssihaft druff achte, sini Aordnige z befolge.
19 Jehova het sy Thron im Himmu fescht errichtet.
Sini Königsherrschaft erschreckt sech über aues.
20 Priist Jehova, all sini Engel wo ihr starch und mächtig sind,
de ihr uf sini Schtimm ghöret u so sini Befehl usfüert.
21 Priesst Jehova, all sini Heere,
Ihr, sini Diena, de ihr si Wille erfillt.
22 Priesst dr Jehova, alli sini Werke,
a allne Orte, won är regiert.
Mis ganze Ech söll Jehova preise.