D Psalme 26 vo 150

D Psalme 26 vo 150

Vo David.

26:1 Sig mi Richter o Jehova, denn i bi dr Wäg vor Integrität gange.

Uf Jehova hani unerschütterlech vertrout.

 2 Untersuech mi, o Jehova, u erprob mi.

Reinigi mini innerste Gedanke u mis Härz.

 3 Denn dini loyali Liebi isch mir immer vor Auge

u dr Wäg vo dire Wohrheit gang i.

 4 Mit betrügerische Mänsche gibi mi nid ab.

Dene wo verheimleche wär si würklech si, gangi usem Wäg.

 5 Der Umgang mit schlechte Mönsche isch mir verhasst.

I lehnes ab, mit de Böse zäme z si.

 6 In Unschuld wirdi mini Händ wäsche

u um di Altar werdi schreite o Jehova

 7 zum Dankesäusserige lose

u vo all dine wunderbare Werke z verzelle.

 8 Jehova, i liebe das Huus wod wohnsch,

de Ort wo dini Herrlichkeit dehei isch.

 9 Fäg mi nid wäg zämä mit Sünder,

lösch nid mis Läbe zäme mit Gwalttätige us,

10 vo dene Händ i schamloses Verhalte verwicklet sy

u derä rächti Hand voller Bstechigsgschänk isch.

11 I aber wird dr Wäg vor Integrität gah.

Befreie mi u schänk mer dini Anerkennig.

12 Mis Fuess staht uf ebä Bode.

Ir grosse Versammlig wirdi Jehova priise.