D Psalme 55 bis 150
- von Rico Loosli 6934 Bioggio
-
Zugriffe: 230
D Psalme 55 bis 150
Für dr musikalisch Leiter. Mit Saiteninstrument z begleite. Maskeịl. Vo David.
55:1 Ghört mis Gebät, o Gott,
überhöre nid mini Bittä um Barmhärzigkeit.
2 Schänk mir Ufmerksamkeit und gib mer Antwort .
Mini Sorg laht mi nid zur Rueh cho u i bi verstört
3 wägem Wort vom Fiind
u wüu mi der bös unger Druck setzt.
Wül si überhoufe mi mit Unglück,
zornig fiindes mi ah.
4 Mis Herz liidet Quale i mim Innere,
d Schrecke vom Tod läbt uf mir.
5 angst u Zittere überchunnt mi
u mi packt es Schuuder.
6 Immer wider sägi: "Hätti doch nume Flügel wi ne Tuube!
I würd wägflüge u ds Sicherheit läbe.
7 Ja, wiit wäg würi flüchte.
Im Wildnis würdi übernachte. Sela
8 I würd a ne sichere Ort eile,
wäg vom tobende Wind, wäg vom Sturm."
9 Stürz d Böse i Verwirrig, o Jehova, durchchrüz ihri Plän,
denn i ha ir Stadt Gwaut u Striit gseh.
10 Uf irer Muur mache si Tag u Nacht d Rundi.
D Stadt isch voller Boshaftigkeit und Unrueh.
11 Unglück isch ir Mitti.
Ungerdrückig u Betrug wyche niemaus vo ihrem öffentliche Platz.
12 Denn nid es Fiind verspottet mi,
süsch chönntis erträge.
Nid e Hasser het vor mir gross gmacht,
süsch chönnt ig mi vor ihm verberge.
13 Sondern du bisch es, e Mönsch wi ig,
mi eigete Vertrauter woni guet kenne.
14 Eus verbunde e innigi Fründschaft.
Gemeinsam mit der Mängi sy mir zum Huus Gottes gange.
15 D Vernichtig sölleds träffe!
Lebendig söue si i ds Grab abefahre,
wüu unger ihne und i ne ds Böse wohnt.
16 Ig aber, zu Gott wird i rüefe,
u Jehova wird mi rette.
17 zobig u Morge u Zmittag bini ufgwüehlt u stöhnt
u er ghört mini Stimm.
18 Er wird mi vo dene wo mi bekämpfe, befreie u mir Friede schänke,
denn ganzi Schare rügge gäg mi vor.
19 Gott wirds höre u ne e Antwort geh,
er wo sit unenkliche Ziite ufem Thron hockt. Sela
Si wärde sech nid welle ändere,
si wo ke Gottesfurcht hei.
20 Er het die agriffe wo mit ihm z Friede si.
Sin Bund het er broche.
21 Si Wort sy glatter aus Anke,
aber sis Härz isch uf Striit us.
Sy Wort sy gschmeidiger aus Öl,
aber si si zückti Schwärter.
22 Wirf dini Last uf Jehova
u er wird di stütze.
Niemols wird er zuelah, dass der Gerecht fallt.
23 Doch du, o Gott, wirsch si i di tüüfschti Gruebe abe stürze.
Di bluetschuldige und betrügerische Manne werde nid d Helfti vo ihrne Täg erläbe.
I aber, i wirde uf di vertraue.