D Psalme 64 bis 150
- von Rico Loosli 6934 Bioggio
-
Zugriffe: 226
D Psalme 64 bis 150
Für dr musikalisch Leiter. E Musigstück vo David.
64 Hör mini Stimm, o Gott, weni di aaflehe.
Schütz mis Läbe vor em Schreck vom Fiind.
2 Schirm mi ab gäg di heimliche Plän vo de Böse,
gäge d Mengi vo dene wo verchehrt handle.
3 Ihri Zunge schärfeds wienes Schwert.
Mit ihrne giftige Wort ziile si wi mit Pfiile,
4 um vo ihrem Versteck us ufe Unschuldige z schiesse.
Ganz plötzlich schüsseds uf ihn, ohni sich z'fürchte.
5 Si bliibe bi ihre böse Absicht,
beratschlage wi si ihri Fäll chöi verstecke.
"Wer wird se scho gseh?", segeds.
6 Si brüete nöii Schlächtigkeite us,
lege sech heimlich ihri raffinierti Strategie zrächt.
D Gedanke im Herze eis jede si unergründbar.
7 Doch Gott wird uf sie schüsse.
Ganz plötzlich werdeds vomene Pfiil verwundet.
8 Ihri eigeti Zunge wird ihre Sturz verursache.
Aui wo zueluege, werde dr Chopf schüttle.
9 Alli Mensche werdet denn Angst becho
un vukündige, was Gott doe het.
Si wärde Iblick i sini Tate ha.
10 Der Grechte wird Freud an Jehova ha u bi ihm Schutz sueche.
Aui vo Herze Ufrichtige wärde juble.