D Psalme 71 bis 150
- von Rico Loosli 6934 Bioggio
-
Zugriffe: 229
D Psalme 71 bis 150
71:1 Bi dir, o Jehova, hani Schutz gsuecht.
Mögi niemaus beschämt dastah.
2 Rette u befreie mi i dire Gerechtigkeit.
Wänd mir dis Ohr zue u rette mi.
3 Wird zure Fälsefestig für mich,
woni jederzit cha beträte.
Gib dr Befähl mi z rette,
denn du bisch mis Fäls u mini Feschtig.
4 O mein Gott, befrei mi us der Hand vom Böse,
us em Griff vom ungrächte Unterdrücker.
5 Denn du bisch mini Hoffnig, o Souveräner Herr Jehova.
Sit mire Jugend vrtroue ig uf di.
6 Uf di verlohni mi sit mire Geburt.
Du bisch es gsy wo mi us däm Muetterleib gholt het.
Unufhörlech priise ig di.
7 Für vili bini wienes Wunder worde,
doch meine starke Zuflucht bisch du.
8 Mis Muul isch voller Bewunderig für di.
Der ganz Tag verzell i vo dire Pracht.
9 Wirf mi im Alter nid wäg.
Verlah mi nid we mini Chraft verseit.
10 Mini Fiinde redet über mich,
wo's uf mis Läbe abgseh hei verschwöre sech
11 u säge: "Gott het ne verloh.
Jaget ihm na u fasset ne, denn da isch niemer wo ihn rettet."
12 O Gott, blib nid fern vo mir.
Schnäll, hilf mir, min Gott!
13 Di miar Widerstand leischta,
sölled beschämt dastah und undergah.
Di mi Unglück wei,
in Schand und Demüetigung sölleds ghüllt werde.
14 Was mi betrifft, i wirde witer warte,
ig wird di no meh priise.
15 Vo dinere Gerechtigkeit werdi verzelle,
vo dine Rettigstate der ganz Tag lang,
ou wenns z'viu si aus das ig se erfasse chönnt.
16 Ig wird cho und vo dine mächtige Tate rede,
o souveräner Herr Jehova.
Ig wird dini Gerechtigkeit erwähne - dini ganz allei.
17 O Gott, hesch mi glehrt vo mire Jugend a
u bis hüt verzeli i ständig vo dine wunderbare Werke.
18 O Gott, verlah mi nid, o wenn i aut u grau bi.
Lah mi der nächst Generation vo dire Chraft brichte,
aune wo no söue cho vo dire macht.
19 Dini Gerechtigkeit, o Gott, langet bis i d Höchi.
Hesch grosses ta.
Wär isch wie du, o Gott?
20 O we mi viu Not u Unglück hesch la düremache,
lah mi wieder ufläbe!
Hol mi us de Tiefe der Erde ufe.
21 Bring mi zu grösserem Asehe,
umgib mi mit dim Schutz u tröscht mi.
22 De wird ig di miteme Saiteninstrument priise
für dini Treui, o mein Gott.
Mit Harfebegleitig wirdi Lieder für di singe,
o heilige Israels
23 Mini Lippe wärde juble weni Lieder für di sing,
denn du hesch mis Läbe grettet.
24 Der ganz Tag wird dini Gerechtigkeit uf minere Zunge si,
Denn de mich vunichte wöue, wäre bschämt un blamiert daschtha.