D Psalme 77 bis 150

D Psalme 77 bis 150

Für dr musikalisch Leiter. Uf Jẹduthuna. Vo Ạsaaph. E Musigstück.

77:1 Mit minere Stimm wird ich zu Gott schrie.

Zu Gott wird i schreie u er wird mi ghöre.

 2 Am Tag der Not suechi nach Jehova.

Nachts strecki ihm unermüedlech d Händ entgäge.

Nüt cha mi tröste.

 3 Ir Erinnerig a Gott stöhn i,

bi beunruhigt und mi verlaht d Chraft. Sela

 4 Du hebsch mini Augelider offe.

I bi ufgwühlt und cha nid rede.

 5 Mini Gedanke wandere i längscht vergangeni Ziite,

i d Jahr ferner Vergangeheit.

 6 ir Nacht erinnere i mi a mis Lied.

Mis Herz isch i Gedanke versunke.

Gründlech forsche ig nach.

 7 Wird üs Jehova für immer verstosse?

Isches für immer verbi mit sire Gunscht?

 8 Isch sini loyali Liebi für immer z'änd?

Löst sech sis Verspräche für alli Generatione i nüt uf?

 9 Het Gott vergesse, sini Gunscht z zeige,

oder het si Zorn sini Barmherzigkeit versperrt? Sela

10 muesi immer wieder säge: "Das isch es wo mi schmerzt:

dass der Höchst sini Haltig üs gegenüber gänderet het"?

11 I wirde a d Werke Jahs zrüggdänke,

a dine erstunliche Tate vo früecher.

12 Über all dine Tue wirdi intensiv nachedänke,

mi mit dine Handlige befasse.

13 O Gott, dini Wäg sind heilig.

Wele Gott isch so gross wie du, o Gott?

14 Du bisch dr wahr Gott wo Erstunliches vollbringt.

Dr Vöucher hesch dini Stärchi zeiget.

15 Durch dini Macht hesch Dys Volk befreit,

d Söhn Jakobs und Josephs. Sela

16 D'Wasserfluete heit di gseh, o Gott.

Si hei di gseh u si unruhig worde.

Ds tüüfe Wasser isch ufgwüehlt gsi.

17 Us de Wulche het ds Wasser durab gschtürzt,

der Wolkenhimmel het dunneret,

hie u dert hi schossä dini pfiili.

18 Di Donert het wi Wagerräder polteret.

Blitz hei di bewohnti Erde erlüchtet.

D Erde zitteret u bättet.

19 Dür ds Meer het di Wäg gfüehrt,

dur grossi Wassermasse din pfad.

Doch dini Fuessspure sy unuffindbar gsy.

20 Du hesch dis Vouch gleitet wi ne Härde,

es unter d Fürsorg vo Moses und Aron gstellt.