Epheser 4 vo 6

Epheser 4 vo 6

4 Ig wo ig wäge däm Herr im Gfängnis bi, bitte euch drum idringlich: Läbet so wies eure Bruefig würdig isch,

2 mit aller Demuet, Milde u Geduld. Ertragt enand in Liebi,

3 und bemüet Nech ärnschthaft, d Einheit vom Geischt i däm vereinigende Band vom Friede z bewahre.

4 Es git nume ei einzige Körper u ei einzige Geischt, so wi Der zu eis u der gliche Hoffnig bruefe worde sy,

5 ei einzige Herr, ei einzige Glaube, ei einzigi Taufi,

6 e einzige Gott u Vater vo aune wo über aune u dür aui u i aune isch.

7 Etze isch jedem vu uns unverdiente Güte gschenkt worde, so we dr Christus däm Gschänk zueteilt het.

8 Es heisst nämmlech: "Won er id Höchi ufegange isch, het er Gfangene wäggführt. Er het Mensche als Gabe ge.

9 Was bedütet dr Usdruck "wo er ufegange isch" angers aus daser o zu de ungerne Regione, das heisst zur Ärde, ufgange?

10 dä wo näggange isch o hoch über aui Himmu ufegange um aues Füu z gäh.

11 Und er het einigi als Aposchtel ge, einigi als Prophete, einigi als Evangeliums Verkündiger, einigi als Hirte un Lehrer,

12 dmit si di Heilige uf dr richtige Wäg bringe, damit si angeri dienet und drmit dr Körper vom Chrischtus ufbout wird,

13 bis mir alli zue d Einheit im Glaube un in dr genaue Erkenntnis vum Bueb Gottes kumme, bis mir zum voll erwachsene Mass worde sin un des Mass erreicht hän, des dr Füll vum Chrischtus entspricht.

14 Mir sötte auso ke Ching me si, wo wie vo Wälle hin und her gworfe u vo jedem Wind vo de Lehr hie häre u dert häre tribe wärde dür ds fautsche Spiu vo Mönsche, dür listige Tüschigsmanöver.

15 Löh üs viu meh d Wohrheit la rede u so i auem dür Liebi i de inewachse, wo ds Houpt isch, Christus.

16 Vo ihm us isch dr ganz Körper harmonisch zämegfüegt, u so cha dür jedes Glänk wo sini Funktion erfüllt, aues zäme¬ schaffe. We jede Körperteil richtig funktioniert, treit das zum Wachstum vom Körper bi, u är bouet sech i Liebi uf.

17 Drum säg i u bezüge's im Name vom Herr: Läbt nümme so wiiter, wie die andere Völker läbe, ohni Sinn u Verstand.

18 Ihr Verschtand isch verfinschteret, un des Läbe, wo Gott ghört, isch ne wäg ihrem Unwüsseheit un wäge dr Gfüelosigkeit vo ihrem Herz frömd.

19 Da si jedi moralischi Empfinde verlore hei, hei si sech emene drüischte Verhalte ane gä, um gierig jedi Art Unreinheit z praktiziere.

20 Ihr aba hän dr Chrischtus nit so kenneglernt,

21 falls Der ne überhoupt ghört hei u dür ihn belehrt worde sy, so wi d Wohrheit i Jesus isch.

22 Ihr heit glehrt, dass ihr die auti Persönlichkeit söll ablege, wo euem frühenere Läbenswandel entspricht und wo durch trügerischi Wünsch verdorbe wird.

23 O sötte dir ir istellig wo i euch vorherrscht immer witer erneueret werde

24 u di nöi Persönlechkeit aalege, wo nach Gottes Wille i wahrer Gerechtigkeit u Loyalität gschaffe isch.

25 Drum: Da Der jitz ds Betrügerische abgleit heit, söu jede vo euch mit sym Mitmensche d Worheit rede, denn mer sy Teile vomene Körper, wo zunenang ghöre.

26 Falls ier zornig sit, sündiget nid. Lönd d Sunne nid untergah während ihr no ärgerlich si.

27 Gänd em Tüüfel kei Chance.

28 Wär stiehlt, söll nüme stähle. Vilmeh sell er hert schaffe und mit sine Händ gueti Arbet leiste, damit er emene Bedürftige öppis chan abgäh.

29 Kes schlächts Wort söu us öiem Muul cho, sondern nume öppis wo angeri ufbout wies grad nötig isch. So chöit dir de Zuehörer Guets vermittle.

30 Ou betrubt nid Gottes heilige Geischt, woner als Sieg übercho hei für de Tag vor Befreiig dür Lösegäud.

31 Leit jedi Art bösartigi Verbitterig ab, Wuet, Zorn, Gschrei, Beschimpfig und alles Verletzendi.

32 Geit vielmeh fründlech mitenand um, sin vu Herze mitfühlt, vugäbe enang grosszügig, so we au Gott äich durch Chrischtus grosszügig vugäbe het.