Hiob 26 vo 42

Hiob 26 vo 42

26:1 Hiob erwideret:

2 "Wie sehr hesch dem Chraftlose ghulfe!

Wi dä schwache Arm doch grettet hesch!

 3 Wie brillant hesch doch dä berate wos a Wiisheit fäut!

Wie grosszügig hesch din gsunde Menscheverstand enthüllt!

 4 Wem verzellsch da eigentlech öppis?

Wär het di drzue inspiriert so öppis z säge

 5 Die im Tod Chraftlose zittere.

Si si töif unde, tüüfer aus ds Wasser u sini Bewohner.

 6 Nackt ligt ds Grab vor Gott

u dr Ort vor Vernichtig isch unbedeckt.

 7 Är schpannt der Nordhimmel über em läärer Ruum uus,

hanget d Erde a nüüt uf.

 8 Är wicklet ds Wasser so i sy Wouche ih,

dass si nid unger ihrem Gwicht verreise.

 9 Är versperrt dr Ablick vo sym Thron,

indem er sini Wolke devor usbreitet.

10 Er markiert dr Horizont uf dr Oberflächi vom Wasser.

Är zieht e Gränze zwüsche Liecht u Dunkelheit.

11 Sälbscht d Süüle vom Himmel schwanke –

sy Machtwort versetzt se i Schrecke.

12 Dür sy Chraft wühlt är ds Meer uf

u dür sy Verstand zerschmetteret är ds Seeungehüür.

13 Mit sym Atem klaar er der Himmel uf.

Sini Hand dürebohrt di schwär zu fassendi Schlange.

14 Ds aues sy nume d Söim vo syre Wäg!

Nume e lises Flüschtere isch vo ihm zverneh!

Drum: Wär cha sy machtvolle Döner verstah?"