D Psalme 100 bis 150

D Psalme 100 bis 150

Es Musigstück vom Dank.

100:1 Ruef jehova triumphierend zu, ganzi Erde!

 2 Dient Jehova voller Freud.

Chunnt juble vor ihm.

 3 Erkennt: Jehova isch Gott.

Är isch's wo üs gmacht het u mir ghöre ihm.

Mir sys Volk u d Schoof vo syre Weid.

 4 Chunnt voller Dank i sy Tore,

mit Lobpriis i sini Vorhöf.

Danket ihm, priist sy Name.

 5 Denn Jehova isch guet,

sy loyali Liebi bliebt für immer

u sini Treui aui Generatione düre.