D Psalme 101 bis 150
- von Rico Loosli 6934 Bioggio
-
Zugriffe: 297
D Psalme 101 bis 150
Vo David. Es Musigstück.
101:1 Vo loyaler Liebi und Rächt werdi singe.
Für di o Jehova, wirdi Lieder singe.
2 Ig wird umsichtig handle und mir nüt la zueschulde.
Wenn wirsch zu mir cho?
Mitemne integre Härze wirdi i mim Huus läbe.
3 Vor mini Ouge werd ich nüt Wertloses stelle.
D Tate vo dene wo sech vom richtige Wäg entfärne hassi.
Mit ihne wotti nüüt ztüe ha.
4 Mit nem falsche Herz hani nüt ztue.
Schlächts chunnt für mi nid infrag.
5 Jede wo sy Mitmensche heimlich verleumdet,
werdi zum Schwiige bringe.
Niemer mit überhebliche Ouge und emene arrogante Herze
wirdi dulde.
6 I wirde zu de Treue der Erde blicke,
zum se bi mir la wohne.
Wär sech uf sim Läbenswäg nüt la zschulde, wird mir diene.
7 Kein betrügerische Mensch wird i mim Huus wohne,
ke Lügner wird mir unger d Ouge cho.
8 Jede Morge wirdi alli Böse der Ärde zum Schweige bringe,
um alli wo verchehrt handle us dr Stadt Jehovas z'entferne.