D Psalme 139 bis 150
- von Rico Loosli 6934 Bioggio
-
Zugriffe: 287
D Psalme 139 bis 150
Für dr musikalisch Leiter. Vo David. E Musigstück.
139:1 O Jehova, du hesch mi dürreforscht u kennsch mi.
2 Du weisch, weni mi setze u wenni ufstah.
Us dr Ferner erkennsch mini Gedanke.
3 Ob ig ungerwägs bi oder mi lege du beobachtisch mi.
Mit allne mi Wäg bisch vertrout.
4 No bevor i es Wort uf dr Zunge ha,
kennsch o Jehova, es scho gnau.
5 Vor und hine umschliessisch mi.
U du leisch dini Hand uf mi.
6 Das Wüsse überstimmt mi Verstand.
Es isch z'höch, als dasis erfasse chönt.
7 Wohär chani vor dim Geischt entcho,
ja wohi chani flieh, damit mi nid gsehsch?
8 Würdi zum Himmel ufestige, wärsch dert.
U würd mi iz Grab bettä, dert wärsch da.
9 Würdi mit de Flügel vo de Morge rööt wegflüge,
zum am entlegenschte Meer z wohne:
10 Säubscht dert würd mi d Hand füehre,
dini rechti Hand würd mi halte.
11 Würdi säge: "Bestimmt wird Finsternis mi verberge!",
de würd d Nacht zum mi ume Liecht.
12 Selbst d Finsternis wär nid z finster für dich,
sondern d Nacht wär taghell.
Finsternis isch für di gliche wi Liecht.
13 Denn hesch mini Niere gschaffe,
hesch mi abgschirmt im Mueterliib.
14 I priise di, wüu i uf Ehrfurcht iiflössendi Wiis wunderbar gmacht bi.
Dini Wärch sy wunderbar,
das weissi nume zu guet.
15 Mini Chnoche sy nid vor dir verborge gsy,
wo i insgeheim gmacht bi,
woni i de Töif vor Ärde gwebt bi worde.
16 Dini Ouge hei mi sogar aus Embrio gseh.
Aui syni Teil gsy i dim Buech verzeichnet gsy,
ja a welne Täg si bildet worde,
scho aus no kes vo dene existiert het.
17 Drum: Wi choschtbar dini Gedanke doch für mi si!
O Gott, wi gwaltig isch ihri Summe!
18 Würd ig probiere se z zelle – si zahlriicher aus d Sandkörner.
Wenni erwache bi, bini immerno bi dir.
19 O Gott, würdsch de Böse doch nume töte!
De würde sech di gwauttätige Manne vo mir zrügg zie,
20 wo i böser Absicht gägä di redä.
Si si dini Gegner, bruche di Name uf unwürdigi Wiis.
21 Hass i nid die wo di hasse o Jehova,
u grusetz mi nid vor dene wo sech gäg di uflehne?
22 Nüt aus Hass hani für se übrig.
Si si mir zu ächte Find worde.
23 Durchforsch mi, o Gott u erkenne mis Härz.
Untersuech mi u erkenne mini sorgevolle Gedanke.
24 Lueg, ob i mir irgendöppis isch wo mi uf e schädleche Wäg füehrt,
un leite mi uf däm Wäg vor Ewigkeit.