D Psalme 39 vo 150

D Psalme 39 vo 150

Für de musikalisch Leiter. Vo Jẹduthun. E Musigstück vom David.

39:1 I ha gseit "I wird uf mini Schritt ufpasse,

damit i nid mit mire Zunge sündige.

I wirde mir e Muulchorb alege,

solang irgend e Böser i minere Nöchi isch."

 2 Ig bi stumm gsi u still

un schwätzt nit mal vu ebis Guetes,

aber mi schmerz isch heftig gsi.

 3 Mis Herz het i mim Innere glüht.

Während ig grüble ha, het ds Füür witer brönnt.

Schliesslech hani afa rede:

 4 "O Jehova, la mi wüsse wies mit mir usgaht

u we myni Tag bemässe si,

damit ig erkenne wi churz mis Läbe isch.

 5 Ja, du hesch mer nume wenigi Täg gschänkt.

U mis Läbenszit isch wi nüt vor dir.

Dr Mönsch, so sicher är o dastaht, isch gwüss numä ä Houch. Sela

 6 Ja, der Mönsch geit wiene Schatte umenand.

Für nüüt u wider nüt hetzt är sech ab.

Är hüüft Bsitz uf ohni z wüsse wär ne übercho wird.

 7 woruf chani da hoffe o Jehova?

Bisch mini einzigi Hoffnig.

 8 Befrei mi vo allne miine Überträtige.

Lah ned zue das mi de Unvernünftig zum Gspött macht.

 9 I bi stumm blibe.

Mis Muul hani nid ufcho,

denn des alles isch di Tun gsi.

10 Hör uuf mech z plage.

I bi am Endi wäge dr Schläg vo dire Hand.

11 Mit Straf korrigiersch ds Vergehe vom Mönsch.

Wi ne Motte verzehrsch das, wo ihm wertvoll isch.

Jede Mönsch isch gwüss nume e Houch. Sela

12 Ghör mis Gebet, o Jehova,

hör uf mi Hilfruef.

Übersee nid mini Träne.

I bi nume e Gast für di,

uf Durchreis wi alli mini Vorfahre.

13 Lueg mi nümme so sträng aa, damit i wider froh wirde,

bevor i sterbe u nümme da bi."