D Psalme 38 vo 150

D Psalme 38 vo 150

E Musigstück vom David, zur Erinnerig.

38:1 O Jehova, weis mi nid i dinere Verärgerig zrächt,

korrigiere mi nid i dim Zorn.

 2 Dini Pfiil si tüüf i mi iidrunge

u dini Hand lastet schwer uf mir.

 3 Min ganz Körper isch chrank wäge dire Verärgerig.

Da isch ke Friede i mine Glider wäg mire Sünd.

 4 Denn mini Vergehe türme sech über mim Chopf uf.

Wi ne schwäri Last si meh ausi cha ertrage.

 5 Mini Wunde stinke u eitere

wäg mire Unvernunft.

 6 Ig bi verzwiiflet und züäscht niedergschlage.

De ganz Tag gangi truurig umenand.

 7 Es brönnt i mir.

Min ganz Körper isch chrank.

 8 Ig bi betäubt u völlig zerschlage.

Vor Herzensquale stöhn ig luut.

 9 O Jehova, alli mini Wünsch ligge vor dir

u mis Süüfze isch nid vor dir verborge.

10 Mis Herz pocht, mini Chraft isch wäg,

u ds Liecht vo mine Ouge isch erlosche.

11 Mini Fründe u Gfährte meidet mi wüu i so plaget bi,

mini ängscht Bekannte hebed Abstand.

12 Die wos uf mis Läbe abgseh hei, steue Falle.

Die mir wei schade, redä vo Ungergang.

Dä ganz Tag murmle sy über Betrug.

13 Doch i ha mi taub gstellt u nid aneglost.

I ha mi stumm gstellt u ha ds Muul nid ufgmacht.

14 Ig bi wi eine wo nüt ghört

u nüt zu sire Verteidigung het z'säge.

15 Denn uf di o Jehova, hani gwartet,

u hesch du mir gantwortet o Jehova, min Gott.

16 Ig ha gseit: "Sie söue sech nid a mim Unglück weide

u nid grossi, we mi Fuess dr Haut verlürt."

17 Ig bi churz vor em Zämebruch gsi

u mi Schmerz isch mi ständige Begleiter gsy.

18 i ha mi vrgah zuegäh,

mini Sünde het mir ke Rueh gloh.

19 Doch mini Find sy starch u mächtig,

wo mi grundlos hasse si zauriich worde.

20 Si hei mir Guets mit Bösem zahlt.

Si hei mir Widerstand gleischtet, wüu i däm Guete nachegjagt ha.

21 Lah mi nid im Stich, o Jehova.

O Gott, blib nid fern vo mir.

22 Schnell, hilf mir,

o Jehova mini Rettig!