Nahum 3 vo 3
- von Rico Loosli 6934 Bioggio
-
Zugriffe: 382
Nahum 3 vo 3
3 Wehe der Stadt vom Bluetvergiessen! Si isch ganz u gar voll vo Tüschig u Raub. Si isch nie ohni Bööt.
2 Da isch der Knall vor Peitsche und ds Rattere vo Räder, ds galoppierende Ross u dr holpärndi Wage.
3 Der Riter zu Ross, das funkländische Schwert und der blitzende Speer, ne Mengi vo Tote, Masse vo Liiche. Liiche ohni End. Me stolperet ständig über d Liiche.
4 Es isch wüu di Prostituierti so viu Prostituation het begange, si wo aziehend u charmant isch, e Meischteri vo de Zaubereie, wo Vouch dür ihri Prostitution u Familie dür ihri Zoubereie umgarnt.
5 "Ich bin gäg dich", erklärt Jehova, der Herr der Heere. I zieh dir dini Röck über ds Gsicht. I lah Völker dini Nacktheit gseh u Königrich dini Schand.
6 Ig wird di mit Schmutz bewerfe u di verächtlech mache. Ig wird di zur Schau steue.
7 Jede wo di gseht, wird vor dir flüchte u sege: Nịnive isch verwüschtet worde! Wer wird Mitleid ha?'Wo findi Tröschter für di?
8 Bisch du besser als No-Ạmon, d Stadt wo a de Nilkanälene isch gläge? Si isch vo Wasser umgäh, ihre Wohlstand und ihri Muur isch s Meer gsi.
9 Äthiopie isch ihri Quelle grenzeloser Macht gsi, o Ägypte. Put u d Lịbyer sy ihm zu Hilf cho.
10 Doch o si verschleppt worde. Si isch i Gfangeschaft cho. Au ihri Chind sind a jedere Strosseenecke zerschmetteret worde. Iba ihri gehrte Männa wirft ma Los un ihri grosse Männa wäre alli mit Fessle bunde.
11 Ou du wirsch betrunke si. Du wirsch di verstecke. Du wirsch Zueflucht sueche vorem Feind.
12 Aui dini Befestigungsalage sy wi Fiigeböim mit de erschte riife Frücht. We si gschüttlet wärde, gheie si am Ässende is Muul.
13 Dini Truppe si wi Froue i dire Mitti. D Tore vo dim Land wärde wyt offe schtah für dini Finde. Füür wird d Riegel vo dinere Tore verzehre.
14 Schöpf Wasser für d Belagerig! Verstärk dini Befeschtigungsalage! Gang abe i Schlamm, stampfe de Lehm, griif zur Ziegelform!
15 Sogar dört wird di Füür verzehre. E Schwert wird di umhaue. Es wird di uffrässe wie's di junge Heuschrecke tüe. Werd zahlrich wie di junge Heuschrecke! Ja wird zahlriich wi d Heuschrecke!
16 Du hesch meh Händler aus Stärne am Himmu sy. Di jungi Heuschrecki striife ihri Hut ab und flügt dervo.
17 Dini Wachtposte si wi d Heuschrecke u dini Offiziere wi ne Heuschreckeschwarm. Si ligge i de Steinmuure amene chalte Tag. Doch, wenn d Sunne schiint, fliege sie dvu, un nemads weiss, wo sie sin.
18 König vo Assyrien, dini Hirte sy schläfrig. Dini Edle blibe a ihrne Wohnsitz. Dis Volk isch zerstreut uf de Berge u niemer holts zäme.
19 Es git ke Hilf i dire Katastrophe. Dini Wunde isch unheilbar. Aui wo de Bricht über di ghöre wärde id Händ chlatsche. Wüu wär het nid ständig unger dire Grausig glitte?