Obadja 1 vo 1

Obadja 1 vo 1

OBADJA

1 D Vision Obạdjasa:
Das seit dr Souverän Herr Jehova über Ẹdom: "Mir händ e Nachricht vo Jehova ghört, e Abgsandte isch zu de Völker gschickt worde: Uf rüschte mir üs zur Schlacht gäg Ẹdom!

 2 "Ich ha dich unbedütend lah werde under de Völker. Mer verachtet dich zuetüf.

 3 Dis amassends Herz het di betroge, di wo du i de Schlupfwinkel vom Felse wohnsch, wo du höch obe wohnsch und dänksch: Wer wird mi zur Erde abhole?

 4 Säubscht we di hoch obe niderlahsch wie dr Adler oder dis Näscht bi de Sterne bausch, holi di vo dert abe", erklärt Jehova.

 5 "Wenn Diebe zu dir chöme, Iibrächer bi Nacht wi gründlech wirsch doch zerstört! würe si nid nume das stähle, was si wei? Oder wenns truubläser wäred wo zu dir chämed, würeds ned öppis zur nachlese übrig lah?

 6 Oh, wie Ẹsau durchsuecht worde isch! Wie me sini verborgeni Schätz doch ufgspürt het!

 7 Bis zur Gränze hei si di tribe. Aui dini Verbündete hei di betroge. D Manne mit dene du friedlichi Beziehige gha hesch hei di überwältigt. D Brot mit dir ässe, wärde es Netz unger dir uslege, aber du wirsch es nid merke.

 8 a däm Tag, so erklärt jehova, wirdi da nid d wiise i Ẹdom uslösche und das unterscheidigsvermöge us em bergland Ẹsau?

 9 U dini Chrieger wärde verschrecke, o Tẹman, wöu im Bergland Ẹsus aui usgröttet wärde

10 Wäg dr Gwalt gäge di brudi Jakob wird Schand di bedecke und du wirsch für immer undergah.

11 A däm Tag wo du tatelos das gstande hesch, a däm Tag wo frömdi si Heer i d Gfangeschaft gführt hei aus Usländer düre si Tor izogä u über Jerusalem Los warfe, da hesch di verhalte wi eine vo dene.

12 Sig nid schadefroh am Unglückstag vo dim Brüeder, freu di nid wägem Volk Juda am Tag sim Ungergang, nimm ds Muu nid so vou am Tag sire Not.

13 Tritt nid i ds Tor vo mym Volk i sim Unglückstag, freu di nid über sys Elend a sim Unglückstag, vergriif di nid a sim Vermöge a sim Unglückstag.

14 Schtei nid ar Wägchrüzig zum sini Fliehänd niederzmetzle, lifere sini Überläbende nid us am Tag vo de Not.

15 Denn dr Tag, wo Jehova gäge alli Völker vorgoht, isch nah. Was du do hesch, wird me o dir atue. So wie du angeri behandlet hesch, wird me o di behandle.

16 Denn so, wi dr uf mim heilige Bärg trunke heit, wärde aui Völker ständig mi Zorn trinke. Si wärde ne trinke, ne abstürze, u es wird sii, aus hätts se nie gä.

17 Doch ufm Berg Zion wärde die si, wo entchöme, u er wird heilig si. U ds Huus Jakob wird in Bsitz näh, was ihm ghört.

18 Ds Huus Jakob wird zumene Füür, s Huus Joseph zunere Flamme und s Huus Ẹsau wie Stroh. Si wirds i Brand setze u es verzehre, u niemer vom Huus Ẹsau wird überlebe, denn Jehova sälber het gredt.

19 Si wärde dr Nẹgeb i Bsitz näh u ds Bärgland Ẹsus, d Schẹphel u ds Land vor Philịster. Si wärde sech ds Gebiet Ẹphraims und ds Gebiet Samạrias aneignend und Bẹnjamin wird Gịlead in Besitz neh.

20 Dene wo vo däm Schutzwall weg verschleppt worde si, am Volk Israel, wird ds Land vo de Kanaanịter bis uf Zạrephath ghöre. Und die us Jerusalem verschleppt, wo z Sẹpharad si gsi, wärde d Städt vom Nẹgeb bsitze.

21 U Retter wärde uf d Bärg Zion ufezieh, um über ds Bärgland Ẹsau Gricht z halte, u ds Königtum wird Jehova ghöre.