Hiob 2 vo 42

Hiob 2 vo 42

2:1 Nochdem isch dä Tag cho, wo sich d'Söhn vom wahre Gott iigfunde hei, um sech vor Jehova z'steue, u o dr Satan isch i ihri Mitti gange, um sech vor Jehova z'steue.

2 Da het Jehova Satan gfragt: "Wo chunsch du?" Satan het Jehova gantwortet: "Ich ha d Ärde dürestrift und bi uf ihre umegzoge.  

3 Druf het Jehova zu Satan gseit: "Isch der mi Diener Hiob ufgfalle? Uf dr Ärde gits keini wi ne. Är isch e ufrichtige Maa, wo sech nüt laht la zueschulde. Är isch Gottesfürchtig und meidet aues Schlechti. Nach wie vor haltet är a sinere Integrität fest, obwohl du probiersch mi gäg ihn ufzstachle, damit ig ihn ohni Grund vernichte".

4 Doch Satan entgägnet Jehova: "Huet für Huet. Alles, was e Mensch het, wird er für sis Läbe gä.

5 Aber streck doch zur Abwechslig mal dini Hand us und fög ihm körperliche Schade zue, und er wird dir bestimmt direkt is Gsicht flueche."

6 Da het Jehova zu Satan gseit: "Hie! Du hesch freii Hang über ihn! Nume sis Läbe nimm ihm nid!"

7 Druf het sech dr Satan us dr Gägewart Jehovas entfernt u het Hiob vom Scheitel bis zur Söle mit schlimme Gschwüre gschlage.

8 Hiob het sech zmitzt i d Äsche gsetzt und het e Tonscherbe gno zum sech chratze.

9 Schliesslech het sy Frou zu ihm gseit: "Häsch der immer no a dinere Integrität fescht? Verfluech Gott u schtirb!"

10 Er het aber zu ihre gseit: "Du redsch wiene Frau ohni Verstand. Söllemer vo dem wahre Gott nume Guets aneh und nid o Schlächts?" Bi allem het d Hiob nid mit sine Lippe kündet.

11 Drei Fründe Hiobs hei vo dem ganze Unglück ghört, wo ne troffe het, u jede vo dene isch us sim Ort cho – Ẹliphas, der Temanịter, Bịldad, der Schuchịter, und Zọphar, der Naamathịter. Si beschlosse gmeinsam z Hiob z ga um ihm ihres Mitgfühl z zeige und ihn z tröste.

12 Wo si ne vo witem gseh hei, hei si ne nid erkennt. Si hei aagfange luut z brüele, zerrisse ihri Chleider u wärfe Stoub i d Luft u uf ihre Chopf.

13 Siebä Däg u siebä Nächt hei si mit ihm uf Bode hocke. Kene het ei Wort zu ihm gseit, wel si hei gsäh, dass sy Schmerz sehr gross isch gsi.