Sprüch 24 vo 31

Sprüch 24 vo 31

24:1 Sig nid neidisch uf schlächti Mensche u sehne dich nid nach ihrer Gsellschaft.

 2 Denn ihres Herz dänkt ständig über Gwalt nache und ihre Lippe redet vo Unheil.

 3 Dur Wisheit wird es Huus ufbout und dür Unterscheidigsvermöge wirds gsicheret.

 4 Durch Erkenntnis wärde sini Rüüm mit allerlei kostbare, schöne Schätze gfüllt.

 5 Än wiise Maa isch mächtig u mit Erkenntnis vergrösseret ä Maa sini Macht.

 6 Mit wiiser Aleitig wirsch di Chrieg füehre und mit viune Ratgeber erringt me der Sieg.

 7 Wahri Wiisheit isch für ne Dumme unerreichbar. Är het im Stadtor nüt z'säge.

 8 Wär schlechtes plant, wird Meister im Intrigeschmiede gnennt.

 9 Dumme Plän sy Sünde und e Spötter wird vo anderne verabschütt.

10 Wennd i schwirige Zyte dr Muet verlürsch wirsch wenig Chraft ha.

11 Befreie die, wo zum Tod wäggfüert wärde, u hebt die zrügg, wo zum Schlachte tumle.

12 Vellecht seisch: "Davo hei mer doch nüt gwüsst".

Wird dä wo d Härz prüeft, es nid merke?

Ja, wo di beobachtet, wirds wüsse und jedem Mönsch gä, was er für sis Tue verdient.

13 Iss Honig, min Sohn denn er isch guet. Honig vo de Wabe isch süess für de Gaume.

14 Du muesch o wüsse, dass Wiisheit guet für di isch. Wenn si findsch, wirsch e Zuekunft ha, und dini Hoffnig wird nid zerstört wärde.

15 Lauer nid böswillig bim Huus vom Grechte. Zerstöre si Ruehort nid.

16 Denn dr Grächti mag sibemol gheie, doch är stoht wider uf, aber die Böse wärde dür Unglück vollständig zu Fall bracht.

17 We di Fäind gheit, freu di nid u wener stürzt söu dis Herz nid juble.

18 Süsch gsehts Jehova u es missfallt ihm u är wird sin Zorn vo ihm abwände.

19 Reg di nid uf über schlächti Mensche. Beneide bösi Mensche nid.

20 Denn schlächti Mönsche hei ke Zuekunft, d Lampe vo de Böse wird usglöscht.

21 Mi sohn, ha Ehrfurcht vor Jehova u däm König u la di nid mit Ufrührer ii,

22 denn ihres Unglück wird plötzlich cho. Wär weiss, wie die beide si is Verderbe stürze werdet?

23 O das si Wort vo Wise: Parteilechkeit im Gricht isch nid guet.

24 Wer zum böse seit: "Du bisch grächt" wird vo de Völker verfluecht u vo de Natione aaklagt.

25 Aber dene wo ihn zrächtwiise wirds guet ga; si wärde mit Guetem gsägnet.

26 Wär ehrlech antwortet, däm si Lippe wird me küsse.

27 Erledige dini Arbeit dusse und mach ufm Feld alles parat, denn bau dis Huus uf.

28 Säg nid ohni Grund aus Züg gäge dine Mitmensche us. Bruch dini Lippe nid zum angeri ztüsche.

29 Säg nid: "Was er mir ahta het, wird i ihm atue. I wirde es ihm heizahle."

30 Ich bi am Fuulä verbii gange, am Wegarte vom Mönsch wo es a Vernunft fählt.

31 Ig ha gseh daser mit Unkrut überwucheret isch gsy. Dä Bode isch mit Nessle bedeckt gsi u sini Steimuur isch iigstürzt gsi.

32 I ha das beobachtet u hets mer zhärze gno. I has gseh u zoge folgendi Lehr drus:

33 Echli schlafe, chli schlümmerle, chli Händ falte und usrüefe –

34 u dini Armuet wird cho wiene Räuber u dini Not wiene bewaffnete Maa.